Səyyar korporativ satış nümayəndəsi - Nexchemical MMC

Location: Bakı

Laboratoriya, elmi tədqiqat və sənaye üçün kimyəvi məhsulların satışını həyata keçirəcək, güclü danışıq və inandırma bacarığı olan peşəkar əməkdaş axtarırıq. İşin əsas hissəsi ərazidə, müştərilərlə üzbəüz görüşlərdə keçiriləcək. Şirkət mövcud və potensial müştərilərin məlumatlarını təqdim edəcək. Əməkdaş həmin müştərilərlə işləməklə yanaşı, özü də yeni müştərilər taparaq müştəri bazasını genişləndirməlidir. Əsas vəzifələr : Elmi tədqiqat institutları, universitetlər və laboratoriyaları ziyarət etmək, şirkətin məhsullarını təqdim etmək. Yuyucu vasitələr istehsal edən şirkətlər, zavodlar və kimyəvi xammaldan istifadə edən müəssisələrlə görüşlər keçirmək. Müştərilərin ehtiyaclarını və alış həcmlərini öyrənmək, sorğu və sifarişlərini toplamaq. Yeni müəssisələri araşdırmaq, satınalma və istehsalat üzrə məsul şəxslərlə əlaqə qurmaq. Kommersiya təkliflərini təqdim etmək, qiymət və satış şərtləri üzrə danışıqlar aparmaq, satışı yekunlaşdırmaq. Mövcud müştərilərlə əlaqələri davam etdirmək və təkrar sifarişlər əldə etmək. Şirkətin saytındakı və məhsul siyahısındakı məlumatlar əsasında satış kataloqunun hazırlanmasında iştirak etmək. Gündəlik görüşləri planlaşdırmaq, görüş və satış nəticələri barədə qısa hesabat vermək. Namizədə tələblər: Ərazidə aktiv satış və müəssisələrlə üzbəüz danışıqlar üzrə təcrübə. Səlis nitq, güclü təqdimat, inandırma və müştəri etirazlarını cavablandırmaq bacarığı. Müstəqil müştəri axtarışı aparmaq və danışıqları real sifarişə çevirmək bacarığı. Təşəbbüskarlıq, məsuliyyət və nəticəyə yönəlmiş iş yanaşması. Məhsulları və onların istifadə sahələrini öyrənməyə hazırlıq. Azərbaycan dilində sərbəst ünsiyyət; rus və ingilis dili biliyi üstünlükdür. Sürücülük vəsiqəsi və şəxsi avtomobilin olması üstünlükdür. Kimya üzrə təhsil məcburi deyil. Laboratoriya məhsulları, sənaye malları və ya xammal satışı təcrübəsi, həmçinin müəssisələrlə mövcud əlaqələr üstünlükdür. Əməkhaqqı: Təcrübəyə uyğun sabit maaş və satış nəticələrinə əsaslanan bonus. Ərazidə iş və nəqliyyat xərcləri üzrə şərtlər müsahibədə razılaşdırılacaq. Namizədlər CV-lərini, əvvəl satdıqları məhsullar və ərazidə satış təcrübələri barədə qısa məlumatı Müraciət et düyməsində qeyd olunan elektron poçt vasitəsilə göndərə bilərlər.