Baytar həkim - AgroTrade Supply | Vakansiya

"ATS Feed MMC" olaraq müştərilərimiz olan heyvandarlıq təsərrüfatlarına peşəkar dəstək göstərəcək, heyvanların sağlamlığına və qidalanmasına nəzarət edəcək  Heyvandarlıq üzrə Baytar Həkim  axtarışındayıq. Bu vəzifə ofisdən çox dinamik sahə işini (tez-tez bölgələrə səfərləri) sevən mütəxəssislər üçün nəzərdə tutulub. Namizəd təsərrüfat sahibləri ilə mütəmadi əlaqədə olaraq şirkətimizin məhsullarının effektivliyini izləyəcək, heyvan xəstəliklərinin diaqnostikasından tutmuş yem rasionunun düzgün tərtibinə qədər geniş spektrli praktiki və metodiki rəhbərlik həyata keçirəcək. Vəzifə Öhdəlikləri: Monitorinq və Diaqnostika: Təsərrüfatlarda heyvanların sağlamlıq vəziyyətini qiymətləndirmək və mütəmadi monitorinqlər aparmaq. Heyvanlarda xəstəliklərin ilkin əlamətlərini müəyyən etmək, xəstəlik və tələfat hallarının səbəblərinin araşdırılmasında iştirak etmək. Təsərrüfatlarda yaranan baytarlıq problemlərinin operativ şəkildə qiymətləndirilməsi və həlli üçün lazımi tədbirlər görmək. Zəruri hallarda laborator müayinələr üçün nümunələrin götürülməsini və müvafiq araşdırmaların aparılmasını təşkil etmək. Müalicə, Profilaktika və Yemləməyə Nəzarət: Heyvandarlıq təsərrüfatlarına baytarlıq məsələləri üzrə metodiki və praktiki dəstək göstərmək. Profilaktik tədbirlərin, vaksinasiya və müalicə proseslərinin düzgün aparılmasına dair tövsiyələr vermək. Heyvanların yemlənməsi, rasionu və yem keyfiyyəti ilə bağlı baytarlıq baxımından rəy və tövsiyələr hazırlamaq. İstifadə olunan yemlərin heyvanların sağlamlığına və məhsuldarlığına təsirini müşahidə etmək, nəticələri şirkətə təqdim etmək, şirkət məhsullarının effektiv istifadəsinə dəstək göstərmək. Heyvanların saxlanma şəraiti, gigiyena və bio-təhlükəsizlik qaydalarına riayət olunmasına dair təlimatlandırma aparmaq. Hesabatlılıq və Ünsiyyət: Təsərrüfat sahibləri və məsul şəxslərlə mütəmadi əlaqə saxlamaq, baytarlıq məsələləri üzrə məsləhətləşmələr aparmaq. Təsərrüfatlarda aşkar edilmiş problemlər və görülmüş tədbirlər barədə rəhbərliyə mütəmadi hesabatlar hazırlamaq. Rəhbərliyin tapşırığına uyğun olaraq digər baytarlıq və heyvandarlıqla bağlı işləri yerinə yetirmək. Namizədə dair Tələblər: Təhsil:  Baytarlıq və ya oxşar ixtisas üzrə ali təhsil. Təcrübə:  Heyvandarlıq sahəsində, xüsusilə iribuynuzlu mal-qara ilə iş üzrə  3-5 il praktiki təcrübə . Peşəkar Biliklər: Heyvan xəstəliklərinin diaqnostikası, profilaktikası və müalicəsi üzrə dərin biliklər. Heyvanların yemlənməsi və rasionlarının qiymətləndirilməsi barədə məlumatlılıq. Baytarlıq preparatları, vaksinlərlə işləmə bacarığı, sanitar-gigiyenik və bio-təhlükəsizlik tələbləri üzrə biliklər. Texniki və Digər Tələblər:   "B" kateqoriyalı sürücülük vəsiqəsi  (aktiv sürücülük təcrübəsi) və MS Office proqramlarından istifadə bacarığı. Şəxsi Keyfiyyətlər:  Təsərrüfatlara səfər etməyə (ezamiyyətlərə) və sahədə işləməyə hazır olmaq, operativ qərarvermə, problem həll etmə, güclü ünsiyyət və komandada işləmək bacarığı. Vakansiya növü - Tam ştat Maraqlanan namizədlər   Müraciət et  düyməsində qeyd olunan linkə daxil olaraq müraciət edə bilərlər.