İlməkçi (Rigger / Slinger) - Qala Group | Vakansiya

Bölmə: Nəqliyyat və Ağır Tikinti Texnikaları bölməsi Tabe olduğu vəzifə: Bölmə Rəhbəri İş rejimi: Tikinti sahəsinin cədvəlinə uyğun İşin xarakteri: Kran işi ilə əlaqəli sahə işi Vəzifənin məqsədi İlməkçi (rigger/slinger) tikinti sahəsində qaldırılacaq yüklərin düzgün bağlanması, təhlükəsiz asılması və kran operatoru ilə əlaqələndirilmiş şəkildə qaldırılmasına cavabdehdir. Bu vəzifə yük təhlükəsizliyinin təmin olunmasında həlledici rol oynayır. Əsas vəzifə və öhdəliklər Qaldırılacaq yükün çəkisini, ölçülərini və ağırlıq mərkəzini dəqiq müəyyən etmək. Yükün xarakterinə uyğun bağlama vasitələrini (troslar, zəncirlər, tekstil şlinqlər, şəkilli/kfranc qarmaqlar, şəkil qayışları) düzgün seçmək. Bağlama avadanlığını hər istifadədən əvvəl vizual olaraq yoxlamaq — aşınma, deformasiya, korroziya, çat və digər zədələri aşkar etmək. Yükü təhlükəsiz və balanslaşdırılmış şəkildə bağlamaq, lazım gəldikdə bir neçə bağlama nöqtəsindən istifadə etmək. Kran operatoru ilə standart əl işarələri və ya radio rabitəsi vasitəsilə aydın və dəqiq əlaqə saxlamaq. Yükün qaldırılması zamanı təhlükə zonasını müəyyən etmək və həmin zonada kənar şəxslərin olmamasını təmin etmək. Yükün yerə düzgün və təhlükəsiz endirilməsinə nəzarət etmək, endirmədən sonra bağlama vasitələrini təhlükəsiz şəkildə açmaq. İstiqamətləndirici kanatlardan (tag line) istifadə edərək yükün fırlanmasının və yellənməsinin qarşısını almaq. Zədəli, aşınmış və ya standartlara uyğun olmayan bağlama avadanlığını dərhal istismardan çıxarmaq və müvafiq şəxsə (baş ilməkçi/mühəndis) məlumat vermək. Bağlama avadanlığının düzgün saxlanması, təmizliyi və müəyyən edilmiş yerdə saxlanılmasını təmin etmək. İş icazəsi (Permit to Work) tələb olunan hallarda müvafiq sənədləşməyə əməl etmək. Əmək təhlükəsizliyi qaydalarına və şəxsi mühafizə vasitələrindən (dəbilqə, əlcək, təhlükəsizlik kəməri, respirator və s.) istifadəyə tam riayət etmək. Tələb olunan bilik və bacarıqlar Bağlama avadanlığının növləri, yük tutum həddləri (WLL) və istifadə qaydaları haqqında bilik. Yükün çəkisini və ağırlıq mərkəzini təxmini hesablama bacarığı. Standart əl işarələri kodlarını mükəmməl bilmək və tətbiq etmək. Radio rabitə vasitələrindən istifadə bacarığı. Komanda daxilində əlaqələndirilmiş işləmə və sürətli qərar vermə bacarığı. Təhsil, təcrübə və sertifikatlar Orta-texniki təhsil (arzuolunandır). İlməkçi (Rigger) ixtisası üzrə müvafiq təlim sertifikatı. Minimum 3-5 il sahədə iş  Fiziki və tibbi tələblər Yaxşı fiziki hazırlıq — yükün əl ilə daşınması və uzun müddət ayaq üstə işləmə qabiliyyəti. Yaxşı görmə və eşitmə qabiliyyəti. İllik tibbi müayinədən keçmə və işə yararlılıq arayışının olması. Alkoqol və narkotik maddələrdən azad olma (mütəmadi yoxlamalara tabe olma). İş şəraiti İş açıq havada, müxtəlif hava şəraitində, tikinti sahəsində aparılır. Bəzi hallarda hündürlükdə (skeleton, əsaslar üzərində) işləmə tələb oluna bilər. İşəgötürən tərəfindən müvafiq şəxsi mühafizə vasitələri (ŞMV) təmin olunur. Təhlükəsizliklə bağlı əsas prinsiplər "Heç vaxt yükün altında dayanma" qaydasına ciddi əməl etmək. Şübhəli və ya zədəli avadanlıqla işə başlamamaq, hər zaman "əvvəlcə təhlükəsizlik" prinsipini əsas götürmək. Anlaşılmaz vəziyyətlərdə işi dərhal dayandırıb kran operatoru və rəhbərliklə əlaqə saxlamaq. Maraqlanan namizədlər   Müraciət et  düyməsində qeyd olunan linkə daxil olaraq müraciət edə bilərlər.