Qüllə Kran Operatoru - Qala Group | Vakansiya

Bölmə: Nəqliyyat və Ağır Tikinti Texnikaları bölməsi Tabe olduğu vəzifə: Bölmə Rəhbəri İş rejimi: Tikinti sahəsinin cədvəlinə uyğun İşin xarakteri: Kran işi ilə əlaqəli sahə işi Vəzifənin məqsədi Qüllə kran operatoru tikinti sahəsində qüllə kranın təhlükəsiz, dəqiq və effektiv idarə olunmasına, yüklərin planlaşdırılmış marşrut üzrə qaldırılması, daşınması və endirilməsinə cavabdehdir. Operator kranın texniki vəziyyətinə, yük diaqramlarına və əmək təhlükəsizliyi qaydalarına ciddi əməl etməlidir. Əsas vəzifə və öhdəliklər İş gününə başlamazdan əvvəl kranın vizual və funksional yoxlamasını (əyləclər, kanatlar, hidravlik və elektrik sistemləri, hava xəbərdarlıq işıqları, siqnalizasiya) aparmaq. Yükün çəkisini, qaldırma radiusunu və hündürlüyünü nəzərə alaraq kranın yük diaqramına uyğun işləmək. Yükləri təyin olunmuş marşrut üzrə təhlükəsiz şəkildə qaldırmaq, daşımaq və dəqiqliklə yerləşdirmək. İlməkçi (rigger/slinger) və işarəçi (signalman) ilə radio rabitəsi və ya standart əl işarələri vasitəsilə fasiləsiz əlaqə saxlamaq. Hava şəraitini (külək sürəti, görünürlük, yağıntı) daim izləmək; təhlükəli hava şəraitində (məs. külək sürəti icazə verilən həddi keçdikdə) işi dərhal dayandırmaq. Kranın SWL (Safe Working Load) həddini heç vaxt aşmamaq, ikiqat asma (double slinging) və çəkisi məlum olmayan yüklərlə işləməmək. Gündəlik istismar jurnalını (log-book) dəqiq doldurmaq, aşkarlanan nasazlıqları dərhal mexanik xidmətə və rəhbərliyə raport etmək. Planlı texniki xidmət (PM), baxış və təmir işləri zamanı texniki heyətə lazımi dəstəyi göstərmək. İş icazəsi (Permit to Work) sistemi tələb olunan zonalarda işə yalnız müvafiq icazə olduqda başlamaq. Kranın istismar zonasında (working radius) insanların və avadanlığın təhlükəsizliyini təmin etmək, yükü heç vaxt insanların üzərindən keçirməmək. Növbə sonunda kranı təhlükəsiz vəziyyətə (park mode, əyləclər aktiv, qarmaq yuxarı qaldırılmış) gətirmək. Əmək təhlükəsizliyi (OHS/HSE) təlimatlarına, şəxsi mühafizə vasitələrindən (dəbilqə, təhlükəsizlik kəməri və s.) istifadə qaydalarına tam riayət etmək. Tələb olunan bilik və bacarıqlar Qüllə kranın konstruksiyası, iş prinsipi və idarəetmə sistemləri haqqında dərin bilik. Yük diaqramlarını və texniki sənədləri düzgün oxumaq və tətbiq etmək bacarığı. Standart əl işarələri kodlarını (beynəlxalq/yerli standartlara uyğun) bilmək. Radio rabitə vasitələrindən səmərəli istifadə bacarığı. Fövqəladə hallarda sürətli və düzgün qərar vermə qabiliyyəti. Yüksək diqqətlilik, məsuliyyət hissi və komanda daxilində işləmə bacarığı. Təhsil, təcrübə və sertifikatlar Orta-texniki və ya peşə təhsili. Qüllə kran operatoru üzrə müvafiq dövlət lisenziyası/sertifikatı (Dövlət Əmək Müfəttişliyi və ya akkreditə olunmuş təlim mərkəzi tərəfindən verilmiş). Beynəlxalq sertifikat mövcud olduqda üstünlük təşkil edir. Minimum 5 il oxşar sahədə (tikinti kranı) təsdiqlənmiş iş təcrübəsi. Fiziki və tibbi tələblər Hündürlükdə işləmək qabiliyyəti — hündürlük fobiyasının olmaması. Yaxşı görmə və eşitmə qabiliyyəti, normal reaksiya sürəti. İllik tibbi müayinədən keçmə və işə yararlılıq arayışının olması. Alkoqol və narkotik maddələrdən azad olma (mütəmadi yoxlamalara tabe olma). İş şəraiti İş açıq havada, müxtəlif hava şəraitində və hündürlükdə (kran kabinəsində) aparılır. Növbəli iş qrafiki tikinti sahəsinin planına uyğun təyin olunur. İşəgötürən tərəfindən müvafiq şəxsi mühafizə vasitələri (ŞMV) təmin olunur. Maraqlanan namizədlər   Müraciət et   düyməsində qeyd olunan linkə daxil olaraq müraciət edə bilərlər.