Professional İşdən Çıxma Ərizəsi Necə Yazılır?

Karyeranızda yeni bir səhifə açmağa qərar vermisiniz? Təbriklər! İstər yeni bir fürsət tapmısınız, istərsə də sadəcə fasilə vermək istəyirsiniz, işdən ayrılma prosesini professional şəkildə idarə etmək gələcək reputasiyanız üçün çox vacibdir.

Jooble.az komandası olaraq, sizin üçün ən ideal istefa prosesini və ərizə formasını hazırladıq.

İlk addım: Bildiriş müddəti

Azərbaycan Respublikasının Əmək Məcəlləsinə görə, işçi işdən çıxmaq istədiyində ən azı 1 təqvim ayı öncədən işəgötürəni məlumatlandırmalıdır. Bu müddəti nəzərə alaraq planlarınızı qurun.

Ərizədə nələr qeyd olunmalıdır?

İstefa ərizəsi qısa, konkret və rəsmi olmalıdır. Şəxsi şikayətlərinizi ərizəyə daxil etməyin. Ərizədə olmalıdır:

• Müraciət edilən şəxs (Direktorun adı)
• İşdən ayrılmaq istədiyiniz tarix
• Qısa təşəkkür (tövsiyə olunur)

Nümunə: İşdən çıxma ərizəsi

Aşağıdakı nümunəni özünüzə uyğunlaşdıra bilərsiniz:

"Direktor [Ad, Soyad]-a

Mən, [Vəzifəniz] vəzifəsində çalışan [Sizin Adınız, Soyadınız], Azərbaycan Respublikası Əmək Məcəlləsinin müvafiq maddəsinə əsasən, öz xahişimlə işdən azad olunmağınız barədə Sizə müraciət edirəm. Son iş günümün [Tarix] olmasını xahiş edirəm."



Yeni bir başlanğıc üçün hazır olun

Köhnə işinizdən ayrılmaq yeni imkanlara qapı açmaqdır. Əgər hələ yeni işinizi tapmamısınızsa, CV necə hazırlanır? bələdçimizə baxaraq sənədlərinizi yeniləyə bilərsiniz. Unutmayın ki, müasir CV-lərdə hobbi bölməsi belə sizin xarakterinizi tamamlaya bilər.

Yeni müraciətlər zamanı maliyyə tərəfini müzakirə etmək üçün maaş gözləntisi haqqında araşdırmamızı oxuyun ki, yeni yerinizdə haqqınız olanı alasınız.

FAQ - Tez-tez Verilən Suallar

İşdən çıxma səbəbimi ərizədə yazmalıyam? Xeyr, hüquqi baxımdan ərizədə səbəb göstərmək məcburi deyil. "Öz xahişimlə" ifadəsi kifayətdir. Detalları rəhbərliklə şifahi müzakirə edə bilərsiniz.

İstefa verdikdən sonra məzuniyyət pullarımı ala bilərəm? Bəli, qanunvericiliyə əsasən istifadə edilməmiş məzuniyyət günlərinə görə kompensasiya ödənilməlidir.